ఆగస్టు 17న అన్ని జిల్లా కేంద్రాల్లో ఆందోళనలు నిర్వహించనున్న బీఎంఎస్
కార్మికుల ప్రధాన డిమాండ్లను పరిష్కరించాలని కోరుతూ భారతీయ మజ్దూర్ సంఘ్ (BMS) దేశవ్యాప్త నిరసన కార్యక్రమానికి శ్రీకారం చుట్టింది. జార్ఖండ్లోని రాంచీలోగల సరళా బిర్లా యూనివర్సిటీ క్యాంపస్లో జూలై 26, 27 మరియు 28 తేదీలలో జరిగిన BMS జాతీయ కార్యవర్గ సమావేశంలో ఈ మేరకు కీలక నిర్ణయం తీసుకున్నారు.
ఈ నేపథ్యంలో ఆగస్టు 17, 2026 రోజున దేశవ్యాప్తంగా అన్ని జిల్లా కేంద్రాలలో భారీ నిరసన కార్యక్రమాలు నిర్వహించనున్నట్లు సంఘం ప్రకటించింది. కేంద్ర ప్రభుత్వం కార్మికుల సమస్యలపై తక్షణమే స్పందించి తగిన చర్యలు తీసుకోవాలని జాతీయ కార్యవర్గం డిమాండ్ చేసింది.
ముఖ్యమైన డిమాండ్లు:
• ఈఎస్ఐసీ (ESIC) వేతన పరిమితి: ప్రస్తుతమున్న రూ. 21,000 నుండి రూ. 42,000కు పెంచాలి.
• కనిష్ట ఈపీఎఫ్ (EPF) పెన్షన్: నెలకు రూ. 1,000 నుండి రూ. 7,500కు పెంచాలి.
• ఈపీఎఫ్ (EPF) వేతన పరిమితి: రూ. 15,000 నుండి రూ. 30,000కు పెంచాలి.
• బోనస్ గణన పరిమితి: రూ. 7,000 నుండి రూ. 18,000కు పెంచాలి.
• బోనస్ అర్హత వేతన పరిమితి: రూ. 21,000 నుండి రూ. 42,000కు పెంచాలి.
• స్కీమ్ వర్కర్ల గౌరవ వేతనం: అంగన్వాడీ, ఆశా తదితర స్కీమ్ వర్కర్ల గౌరవ వేతనాన్ని (Honorarium) సముచితంగా పెంచాలి.
• కాంట్రాక్ట్ కార్మికులు: సమాన పనికి సమాన వేతనం అందించాలి.
• లేబర్ కోడ్లు: చట్టాలలోని కార్మిక వ్యతిరేక నిబంధనలను పూర్తిగా తొలగించాలి.
• బ్యాంకింగ్ రంగం: వారానికి 5 రోజుల పనిదినాలను (5-day work week) అమలు చేయాలి.
• గ్రాట్యుటీ పరిమితి: రూ. 20 లక్షల నుండి రూ. 40 లక్షలకు పెంచాలి.
• కనిష్ట వేతనం: దేశవ్యాప్తంగా కనిష్ట వేతనాన్ని రూ. 30,000గా నిర్ణయించాలి.
జాతీయ కార్యవర్గ సమావేశ విశేషాలు:
రాంచీలోని సరళా బిర్లా యూనివర్సిటీ క్యాంపస్లో అత్యంత ప్రతిష్టాత్మకంగా జరిగిన ఈ సమావేశానికి BMS అఖిల భారత అధ్యక్షులు శ్రీ ఎస్. మల్లేశం అధ్యక్షత వహించారు.
ఈ సమావేశంలో ప్రధాన కార్యదర్శి శ్రీ సురేంద్ర కుమార్ పాండే, సంఘటనా కార్యదర్శి శ్రీ బి. సురేంద్రన్, మాజీ అఖిల భారత అధ్యక్షులు శ్రీ సి. కె. సజీ నారాయణన్, శ్రీ హిరణ్మయ్ పాండ్యా తదితర సీనియర్ నాయకులు మరియు దేశంలోని అన్ని రాష్ట్రాల ప్రతినిధులు ఉత్సాహంగా పాల్గొన్నారు.
ఆంధ్రప్రదేశ్ రాష్ట్రం నుండి రాష్ట్ర జనరల్ సెక్రటరీ ఎం.వి.ఎస్. నాయుడు, రాష్ట్ర సంఘటనా మంత్రి కె. లోవా రెడ్డి ఈ సమావేశానికి హాజరై రాష్ట్ర కార్మికుల సమస్యలను ప్రముఖంగా ప్రస్తావించారు.
Related Links